المسؤولون بوزارة الكهرباء بحاجة إلى دورة في الكهرباء

كتب عضو مجلس محافظة ذي قار، رشيد السراي، بموقع التواصل الاجتماعي “فيسبوك”:
طبعاً لا نقصد الجميع ولا نقصد السخرية لأجل السخرية وإنما للتنبيه ومن يتصدى للمسؤولية ويخطأ في أوضح قوانين الهندسة الكهربائية أو يكذب عليه أن يتحمل السخرية…تابعوا المنشور للأخير
.
المنشور الثالث ضمن المنشورات الأربع الي راح نختمها بمنشور التسعيرة الصحيحة للكهرباء وهو المنشور الخامس والمنشورات الأربعة مقدمة إله حتى يصير واضح أكثر.
المنشور الأول كان بعنوان “شنو يعني كيلو واط.ساعة؟” وهذا رابطه
https://www.facebook.com/rasheedas…/posts/10207073018984394…
والمنشور الثاني كان بعنوان “اشلون نحول الكيلوواط.ساعة للأمبير وبالعكس؟!” وهذا رابطه
https://www.facebook.com/rasheedasarai/posts/10207076663195497
وهذا المنشور الثالث
وهو مناقشة لمنشور السيد وزير الكهرباء قاسم الفهداوي
وهذا رابط منشور السيد الوزير
https://www.facebook.com/Qasim.AlFahdawy/photos/a.657812620928085.1073741828.646102578765756/1541114965931175/?type=3
وارفقنا منشورنا بصورة لمنشوره خاف يحذف المنشور من صفحته أو يتبرون منه مثل ما تبروا من تصريحات مصعب المدرس!
ننزل نص منشور الوزير ونعلق عليه فقرة فقرة
ولو راح نتعبكم بس الموضوع يسوة ومنو محصل وزير يتناقش وياه هسة مو زين?
كلام الوزير مع التقسيم والتعليق…التقسيم يعني تقسيم الكلام مو يروح بالك بعيد?
كلام الوزير: “بدأت عدد من مواقع التواصل الاجتماعي بخلط الأوراق على المواطنين، بعرضها تصريحات ومنشورات عن تسعيرة عالية لاستهلاك الطاقة الكهربائية، للفئة السكنية، تم الإعلان عنها في شهر نيسان ٢٠١٥،”
التعليق: والله ما جاي يخلط الاوراق أحد اكثر من مسؤولي الوزارة يومية تصريح شكل ويومية ارقام شكل.
.
كلام الوزير: “وتود وزارة الكهرباء التنويه انه قد تم إلغاء هذه التسعيرة بعد أسبوع من اعتمادهم ولم يتم العمل بها.�وفي نهاية عام ٢٠١٥،”
التعليق: هي الناس فاهمة الحالية حتى تفهم القديمة، والقديمة محد جاي يسولف بيها.
.
كلام الوزير : “تم اعتماد التسعيرة الحالية التي دعمتها الحكومة بنسبة عالية، وصلت الى ٩٤٪‏، وبدأ العمل بها اعتبارا من ١ / ١/ ٢٠١٦،”
التعليق: لا وجود للدعم فعلاً ووفقاً للوثائق التي قدمتها وزارتكم لمجلس النواب وللمحافظات فإن أعلى نسبة دعم في الفئات هي 91% وليس 94% ومعدل الدعم لصنف المنزلي 80% ولباقي الاصناف صفر ونسبة الدعم للأصناف كافة هي 47% فنصدك من ونجذب من سيادة الوزير؟!
.
كلام الوزير: “وهي بوحدة الكيلوواط/ساعة،”.
التعليق: وهل توجد وحدة أخرى؟!
.
كلام الوزير: “وكالآتي..�- من (١) الى (١٠٠٠) وحدة بسعر (١٠) دنانير للوحدة، اي بسعر اجمالي قدره عشرة الألف دينار، وهي مايعادل عشرة امبيرات”
التعليق: هذا يخالف الي قدمته وزارتكم لمجلس النواب ولمجالس المحافظات ويخالف الي مذكور بعقود الخصخصة الي تسموها استثمار -تلكون صورة بالمنشور لملحق العقد الي بيها اسعار الوحدات- لأن الفئات تبدأ من صنف المنزلي الي هية سبعة تبدي من ١-٥٠٠ مو من ١-١٠٠٠ هذا أولاً، وثانياً معالي الوزير من بيديهيات الكهرباء معرفة مقدار الأمبيرية والقدرة فالـ ١٠٠٠ وحدة والي هي ١٠٠٠كيلوواط ساعة ما تقابل ١٠ أمبيرات والصحيح يقابلها (7.89 أمبير) فلو حضرتك ما تعرف لو الي انطاك المعلومات ما يعرف لو تجذبون علينا وتريدون تخدعونا حتى نقبل بالخصخصة!
يجوز واحد يكول وشدعوة شنو الفرق يجوز استخدم الوزير التقريب وكال عشرة امبير واشلون حسبتوها؟!
ميخالف نجي وياك شوف الارقام الجاية وشو التقريب الي على اصوله اما اشلون حسبناها فشوف المنشور الثاني الي اشرنا اله وذكرنا رابطه ببداية المنشور.
.
كلام الوزير:”.�- من (١٠٠١ الى ١٥٠٠) وحدة بسعر (٢٠) دينار للوحدة، اي ان المواطن الذي يستهلك (١٥٠٠) وحدة شهرياً، أو مايعادل (١5) أمبير، تكون قيمتها (٢٠ الف) دينار”
التعليق:طبعاً بقوائمكم هاي تمثل الفئة الثالثة مو الثانية هذا أولاً، وثانياً (١٥٠٠ وحدة(كيلوواط.ساعة)) ما تقابل (١٥ أمبير) والصحيح وحسب قوانين الكهرباء تعادل (11.835أمبير) هسة خو ما يفيد الحجي بالتقريب؟
وثالثاً اشلون رقم إله حد أعلى وحد أدنى نطلعله معدل من حساب أقل قيمة؟ّ!
حسب كهرباء ما تعرفون رياضيات هم ما تعرفون؟!
المعدل يعني أقل قيمة واعلى قيمة مقسومة على اثنين وحتى نساعدك راح نطلع المعدل وطبعاً قبله أقل وأعلى قيمة..خليكم شفافين
أقل قيمة=١٠٠١×٢٠ دينار=٢٠ الف وعشرين دينار يعني حتى مو عشرين الف ههه
أعلى قيمة=١٥٠٠×٢٠ دينار= ٣٠ الف دينار
والمعدل يطلع ٢٥ الف وعشر دنانير!
.
كلام الوزير:”.�- من (١٥٠١ الى ٢٠٠٠) وحدة بسعر (٤٠) دينار للوحدة، اي ان المواطن الذي يستهلك (٢٠٠٠) وحدة شهرياً، أو مايعادل (٢٠) أمبير، تكون قيمتها الإجمالية (٤٠ الف) دينار”
التعليق:أولاً ٢٠٠٠ كيلوا واط.ساعة ما تقابل (٢٠ أمبير) والصحيح تقابل (15.78 أمبير)، وثانياً نفس مشكلة المعدل الي بالتعليق السابق بل اكبر للأن حتى بأقل قيمة ما يطلع(٤٠ الف) دينار فمنين جبتها الاربعين الف ما أدري، والصحيح هو
أقل قيمة= ١٥٠١×٤٠ دينار للوحدة=٦٠ الف واربعين دينار يعني ما كو اربعين الف اصلاً بهاي الفئة!!
أعلى قيمة= ٢٠٠٠×٤٠ دينار للوحدة= ٨٠ الف دينار
والمعدل=70 الف وعشرين دينار!
.
كلام الوزير:”.�- من (٢٠٠١ الى ٣٠٠٠) وحدة بسعر (٨٠) دينار للوحدة، اي ان المواطن الذي يستهلك (٢٥٠٠) وحدة شهرياً، أو مايعادل (٢٥) الى (٣٠) أمبير، تكون قيمتها (٨٠ الف) دينار”
التعليق: أولاً ٢٥٠٠ كيلوواط.ساعة ما تقابل (٢٥) الى (٣٠) أمبير وبصراحة ما اعرف ليش انطيت رقمين وانت تتحدث عن رقم واحد؟!
والصحيح تقابل (19.725 أمبير),
وثانياً: بصراحة ما اعرف منين حضرتك جبت مبلغ (٨٠ الف) دينار بهاي الفئة؟!
ترة زحمة هيج، الناس هم تعرف تحسب!
والصحيح مبالغ هي الفئة:
أقل قيمة=٢٠٠١×٨٠ دينار للوحدة=160 ألف وثمانين دينار !
أعلى قيمة=٣٠٠٠×٨٠ دينار للوحدة=240 الف دينار!!!
المعدل=120 الف وثمانين دينار !!
ثالثاً اكو بعد فئتين سيادة الوزير ليش ما ذكرتهن لأن مبالغهن عالية؟!
اطمئن أحنا نكفيك وراح نذكرهن كلهن بمنشور مفصل?
.
كلام الوزير: “.�ولتوضيح المعلومة اكثر ان المواطن الذي يقوم بتشغيل الأجهزة الكهربائية أدناه لمدة (٢٤) ساعة يوميا، لثلاثين يوماً، والاجهزة هي..�مكيفات (٢) طن عدد (٢)، وجميع اجهزة المنزل (ثلاجة، ومجمدة، وغسالة، وجهازي تلفزيون، وستلايت، وحاسوب، ومراوح، ومبردة هواء، وانارة، ومكواة، وغسالة ملابس).�فان فاتورة أو قائمة الكهرباء تكون ( من ٤٠ الف الى ٦٠ الف) دينار شهرياً، وهذا الاستهلاك يكون في أشهر الصيف اي (٣ الى ٤) أشهر.�اما في باقي أشهر العام فان قائمة الكهرباء تكون محصورة بين (٥ الى ١٥) الف دينار شهرياً..”
التعليق: هذا الكلام الأخير كله غلط في غلط وعرفنا الارقام في التعليقات السابقة والي يحب يعرف اكثر خل يتابع المنشورات الجاية.
انتهت التعليقات